21w 產檢 ~囡^^

上個星期五(19/8),,,係威院等左好耐,,,,
見醫生, 睇個結構result , 一切正常!! 安心曬!!

尋日(22/8)就係私家產檢~
再問下醫生, 係仔定囡~~
醫生都好sure話答係囡囡~
仲話比我知邊個位睇tim~ ^^

yeah! 可以買粉紅色衫仔比囡囡lu!!!

19w3d 照結構@威院

前2日係健康院檢查,,,
一磅,,肥左10磅 = =''
我真係估唔到~~~

今日係威院照結構,,,
好期待呀,,因為會知道仔定囡~~
講番個結構先,,,
好多朋友係政府度照都好詳細咁講解~~
但係我照完就好失望啦~
一來, 無講解~佢(護士)有佢照~我有我訓係度~
完全都唔講下~
二來,,態度差,,,問一句答一句~~
佢就係話"得架啦, 個結果見E生就知"
喂, 人人都即時知架麻,,,等見E生,,又要等一個星期~
即係又要WORRY一個星期~~
仲要佢勁快咁睇, 都唔知佢係咪仔細睇!!!!
但係我都問左佢仔定囡~
....登登登....

係"囡囡"黎啦!

18w3d 便秘....

呢幾日都便秘,,,
諗住無乜野,,唔理佢~
尋晚忽然搞肚痛,,,比平時肚痛痛十倍,,,,
坐左成個鐘,,,都去唔到~~出曬冷汗,,好辛苦
之後老公見我咁辛苦~~
同我去仁安睇急症~
去到坐低登記,,我已經痛到講唔到野,,企都企唔到~
不停咁出冷汗~打冷震~~
姑娘即張輪椅黎,,推我去廁所~~
之後等左一陣見醫生~
我同醫生講, 我自己認為係腸痛~
咁佢話要用"金油條"幫我放便~
嘩~一用,,,即刻沖去廁所屙~終於屙到,,,,
成個人精神番,,,行番出黎~~
醫生話最重要屙左之後, 無左肚痛~咁就即係confirm唔關子宮事~
叫我可以走得~
呢一次便便成為5百幾蚊~~!!
不過真係幾多錢都要比~~因為再痛我驚我會暈~~~

我決定要日日食麥皮,,,食西梅,,,因為真係見過鬼就怕黑~~