睇樓~

今日終於第一次去睇樓~去選我地個新居啦~~~
心情興奮~
因為已經決定好邊個屋苑~
而問了幾間地產,,岩尺數,岩價錢的都只有2間...
所以好快手睇完~
個心好難決定...
如果咁快決定買~又好似太快~
但係再等又唔知幾時先有樓盤岩我地要求~
因為個經紀都話...要呢個價就唔多盤~~~
點好......

微針

岩岩去做facial~ 我講開我d毛孔好粗大~
咪問個姐姐有乜野可以解決呢個問題~
佢介紹一種叫"微針"~最好6次到啦~~
幫助增新骨膠原~~~
我心想...咁三個星期做一次~
距離結婚仲有半年~ 岩岩好!!!
那就試下啦~~
做果時都幾痛~ 尤其係額頭~~~
做完有點紅~~~
姐姐話好快會退~叫我放心~ 呢d係正常反應~~~
仲叫我勤d做保濕, 效果會更好~~
因為呢個星期我d皮膚會特別吸收~~~
咁我就join左6 次~ 希望真係有效啦~~
各位姐妹有冇試過呀~~???

浪漫一生揀相

等左一個月~ 終於有相揀啦~
我地都覺d相影得幾滿意~~~
用左2個鐘時間~好難之下~ 由二百幾張中揀左55張~
我地個package包40張~
加一張$300都幾貴...
我地要等一個月排板先有得比大家睇~~
好心急呢~~
唸番起~好岩呀~
1月18 ~ 浪漫一生開會
2月18 ~ 影相
3月18 ~ 揀相
4月18 ~ 睇排板

全部都改下就下,,咁岩約18號~~ 好意頭!! hahahaa

租褂~

仲半年多咋.... 係時候去租褂啦....
我睇過網友的介紹...
今日決定去"錦發"同"美華"2間睇睇....

錦發 - 招呼我地個亞姐同亞叔都好nice~~ 係咁叫我地試下著~~
一次比左3個款我揀~~
我地一問佢奶奶褂...亞姐又好快手咁law出黎比我地睇~
仲成套出黎比我地影相~~又解釋比我地知2隻色的分別~~不錯呢~~

美華 - 老闆真係比較cool... 一黎叫我地自己睇相 ... (汗= ='')
d相十幾廿年前 ... ... ... ...
之後老闆娘都好nice... law左成5款比我揀....
但係問佢奶奶褂...佢就好求其咁打開個盒比我地望一望咋....

最終...我地一致決定幫襯錦發~~~
果然係好nice~~
入番去... law曬凳比我地坐...
只係比左2個款我揀~我地就好快揀好了!!!
你地覺得邊件好d~?估我租左邊件???? ^^
(a)

 (b)